کیرالہ7 جون (ایس او نیوز/آئی این ایس انڈیا) کانگریس صدر راہل گاندھی ووٹروں کو شکریہ  ادا کرنے کے لئے تین دن کے دورے پر جمعہ کو اپنے لوک سبھا علاقے وائناڈ پہنچے۔حال ہی میں لوک سبھا انتخابات میں گاندھی نے 4.31 ملین سے زیادہ ووٹوں کے فرق سے وائناڈ سے جیت درج کی تھی۔اگرچہ وہ کانگریس کا گڑھ سمجھے جانے والے امیٹھی سے بی جے پی امیدوار اسمرتی ایرانی سے ہار گئے تھے۔ کانگریس صدر دوپہر تقریبا دو بجے کوجھی کوڈ ہوائی اڈے پہنچے. ان کا اس حلقہ میں کم از کم 15 عمومی اجتماع میں حصہ لینے کا پروگرام ہے۔ اس حلقہ میں وائناڈ، مل پورم اور کوجھی کوڈ ضلع آتے ہیں۔ذرائع نے بتایا کہ ان کا پہلا پروگرام جمعہ کی شام کو مل پرم ضلع میں ہونے کا امکان ہے۔گاندھی کا استقبال کرنے کے لئے ہوائی اڈے پر ہزاروں پارٹی کارکن پہنچے تھے۔ وہ عام انتخابات میں پارٹی کی کراری شکست کے بعد پہلی بار کسی عوامی پروگرام میں حصہ لے رہے ہیں۔ وائناڈ حلقہ کے ایک سینئر کانگریس لیڈر نے کہا کہ گاندھی کے دورے سے پارٹی کارکنان کو اسمبلی انتخابات کے لئے حوصلے ملے گا۔ بطور پی ایم  اپنے پہلے ڈائیلاگ کے تحت گاندھی نے کیرل کے وزیر اعلی   وجین کو وائناڈ میں ایک کسان خود کشی کو لے کر ایک خط لکھا تھا۔ وجین نے جواب دیا تھا کہ بینکوں کو قرض ادا نہ کرنے پر خود کشی کرنے والے کسانوں کے خاندانوں کو امداد فراہم کرنے کا مسئلہ پارلیمنٹ میں اٹھایا جانا ضروری ہے۔